كشف أحمد حسام ميدو عن كواليس صادمة لما حدث بعد دفاعه عن نادي الزمالك في إحدى حلقات البودكاست الخاصة به، مؤكدًا أنه شعر بالخيانة من داخل النادي نفسه.
وقال ميدو: «أنا حطيت نفسي في وش المدفع وعلى خط النار، لكن للأسف أول ما تحصل مواجهة حقيقية، مسؤولو الزمالك بيرجعوا 4 أو 5 خطوات لورا ويسيبوني لوحدي».
وأضاف: «طلعت في بودكاست وقلت كل حاجة بصراحة عشان الزمالك، وهاجمت ناس معينة كنت شايف إنهم مسؤولين عن قرارات أهدت الدوري للأهلي السنة اللي فاتت، وقلت كلام خطير ومستعد أكرره 100 مرة».
وتابع: «اتصدمت إن بعد يومين بس أحد كبار مسؤولي الزمالك بعت الفيديو للمسؤولين في الدولة وقالهم: إحنا ملناش دعوة بميدو».
وختم ميدو حديثه قائلًا: «أنا عارف المسؤول الكبير ده شخصيًا، وساعتها قلت لنفسي: أنا إزاي بعمل كده؟! إزاي اللي بيحارب عشانك ويتكلم بضمير توصل بيك الجرأة تبعته بالطريقة دي».
